झापा । नेपाल कम्युनिष्ट पार्टी विप्लबका झापा जिल्ला सेक्रेटरी प्रविण मिश्र (मनिष) सहित दुई जनालाई प्रहरीले झापाको बिर्तामोडबाट आज पक्राउ गरेको छ ।
बिर्तामोड नगरपालिका – ४ स्थित नेपाल विद्युत प्राधिकरणको कार्यालय नजिकैबाट चिया पसलमा चिया खाइरहेको अवस्थामा प्रहरीले उनीहरुलाई पक्राउ गरेको हो । पक्राउ पर्नेमा जिल्ला सेत्रक्रेटरी मनिष सहित जिल्ला सदस्य टीका पोखरेल रहेका छन् ।
विशेष सूचनाको आधारमा उनीहरुलाई १ नम्वर प्रदेश प्रहरी कार्यालय बिराटनगर र जिल्ला प्रहरी कार्यालय झापाबाट सादा पोशाकमा खटिएको प्रहरी टोलीले पक्राउ गरेको हो । पक्राउ परेका उनीहरुलाई जिल्ला प्रहरी कार्यालय झापामा राखेर अनुसन्धान अघि बढाएको जिल्ला प्रहरी कार्यालय झापाका प्रहरी नायव उपरीक्षक महेन्द्र कुमार श्रेष्ठले जानकारी दिनुभयो ।
केही दिन अघि बिर्तामोड नगरपालिका –२ चारपानेमा रहेको सहारा नेपाल सहकारी संस्था लिमिटेड र गौरादह नगरपालिकाका प्रमुख प्रशासकीय अधिकृत सागर मिश्रले प्रयोग गर्दै आएको गाडीमा वम विष्फोट गराएको आरोपमा प्रहरी उनीहरुलाई पक्राउ गरेको हो ।