रातोपोस्ट
गित
गाउँ बन्छ देश बन्छ भए एक जुट।
उठ अब राष्ट्रप्रेमी युवा सबै उठ।
कति राम्रो थियो हाम्रो भाषा र भेष
नर्कजस्तो बन्दै गयो स्वर्गजस्तो देश
देश लुट्ने लुटेरालाई दिनु हुन्न छुट
उठ अब राष्ट्रप्रेमी युवा सबै उठ ।
देशमाथी उठ्लाभन्दा तल झर्दै गयो
सुख र समृद्धि त सपना नै भयो
अब हुन दिनु हुन्न छलछाम र झुट
उठ अब राष्ट्रप्रेमी युवा सबै उठ
जोश,जाँगर,हिम्मत,साहस बोकेर
धेरै काम गर्नुपर्छ थोरै खोकेर
बजाऔँ अब पाखुरी र श्रमका बुट
उठ अब राष्ट्रप्रेमी युवा सबै उठ ।
गाउँ बन्छ देश बन्छ भए एक जुट ।
उठ अब राष्ट्रप्रेमि युवा सबै उठ ।
लेखक- रबिन्द्र बुढाथोकी,रामेछाप ।