काठमाण्डौं। नेपाल कम्युनिष्ट पार्टी (नेकपा)को युवा संगठन राष्ट्रिय युवा संघ नेपालले ३३१ जना केन्द्रीय सदस्यको टुंगो लगाएको छ ।
तत्कालीन युवा संघ र वाइसीएल नेपालबीच एकीकरण भएर बनेको राष्ट्रिय युवा संघ नेपालले दुबै संगठनबाट प्रस्तावित सो केन्द्रीय सदस्यहरुको नामावली पारित गरेको हो ।
शुक्रबार बसेको राष्ट्रिय युवा संघ नेपालको बैठकले पारित गरेको केन्द्रिय सदस्यमा झापाबाट चार जना मनोनितमा परेका छन् ।
जसमा पूर्व वाइसीयल झापा जिल्ला अध्यक्ष कुमार आचार्य, पूर्व युवा संघ नेपालका प्रदेश कमिटी सदस्य पर्वतराज भण्डारी, प्रत्युस राना र पूर्व वाइसीयलका प्रदेश नम्बर १ का संयोजक डम्बर पुलामी (कर्मा) रहेका छन् ।
३३५ मध्ये रिक्त रहन गएका सदस्यहरु साविकको वाइसीएलले मनोनित गर्ने संयोजक दीपशिखाले जानकारी दिए ।
उनका अनुसार पारित केन्द्रीय समितिको बैठक कात्तिक १८ र १९ गतेका आह्वान गर्नुका साथै कात्तिक २० र २१ गते काठमाडौंमा भेला समेत बोलाइएको बताए।