News Portal

  • फागुनभित्रै नयाँ पेट्रोलपम्प

    रातोपोस्ट संवाददाता
    ९८ पटक

    काठमाडौं। नयाँ पेट्रोलपम्प सञ्चालनको स्वीकृति फागुन महिनाभित्रै दिइने तयारी छ।

    दस महिनाअघि आवदेन लिएको नेपाल आयल निगमले प्रक्रियागत छानबिन अन्तिम चरणमा पु¥याएको छ ।

    निगमको छानबिन समितिले मापदण्डअनुसारका निवेदनको पहिचान गरिसकेको प्रवक्ता वीरेन्द्र गोइतले जानकारी दिए ।

    फाुगनभित्रै नयाँ पम्पको स्वीकृत दिने तयारी गरेको छ ।

    प्रवक्ता गोइत भन्नुहुन्छ, “हामीले छानबिन गरेर कार्यकारी निर्देशककोमा पठाएका छौँ, अब अन्तिम प्रक्रियामा छ, मापदण्ड पूरा गरेका र आवश्यकता रहेका स्थानमा सबैले स्वीकृत पाउने छन् ।”

    नयाँ पम्पका लागि एक हजार २५ व्यवसायीले आवेदन दिएका थिए ।

    निगमले विशेषगरी काठमाडौँ उपत्यकाबाहिरका र ठूला तथा साना सहरोन्मुख क्षेत्रका लागि गत वैशाखमा आवेदन खुलाएका थियो ।

    त्यसमा सबैभन्दा धेरै प्रदेश २ बाट ३४३ वटा आवेदन परेका छन् ।

    सबैभन्दा थोरै कर्णाली प्रदेशबाट २२ वटा मात्र छन् ।

    प्रदेश १ बाट १८९, बाग्मती प्रदेशबाट १३१, गण्डकीबाट २७, प्रदेश ५ बाट दुई सय र सुदूरपश्चिम प्रदेशबाट ५६ वटा आवेदन परेका छन् । गोरखापत्र दैनिक

    प्रतिकृया दिनुहोस्