News Portal

अनलाइन पत्रकारिता सम्बन्धी अन्तरसंवाद कार्यक्रम सम्पन्न

रातोपोस्ट संवाददाता
८१० पटक

झापा। नेपाल पत्रकार महासंघ झापा शाखाको आयोजनामा आज अनलाइन पत्रकारिता सम्बन्धी अन्तरसंवाद कार्यक्रम बिर्तामोडमा सम्पन्न भएको छ ।

बिर्तामोड नगरपालिकाको सहयोगमा आयोजित अन्तरसम्वाद कार्यक्रमको सहजीकरण सञ्चार विज्ञ भानुभक्त आचार्य र अनलाइन खबर डटकमका सम्पादक अरुण बरालले गरेका थिए ।

आचार्यले अनलाइन पत्रकारितामा आचारसंहिताका सम्बन्धमा र सम्पादक बरालले अनलाइन पत्रकारिताका सम्भावना र चुनौती विषयमा सहजीकरण गरेका थिए ।

आचार्यले अनलाइन पत्रकारिता प्रभावकारी भए पनि समचार छिटो संम्प्रेशण गर्ने नाममा धेरै गल्ति हुने गरेको बताए । उनले अनलाइन न्यूजपोर्टलले पत्रिकाको रुपमा मात्र रहन नहुने सुझाव दिए । समाचार एवम् लेखहरुमा प्रयोग गरिएका तथ्य र दस्तावेजको सत्यताका लागि हाइपरलिङ्क सहित समाचार अपलोड हुनुपर्ने उनको भनाई थियो ।

अनलाइन खबर डटकमका सम्पादक बरालले बर्तमान समयमा एक घर, एक ल्यापटप, एक अनलाइन भएको बताए । उनले अनलाइनकर्मीको सिङ्गो टिम सक्रिय भयो भने मिडिया चलाउन सकिने तर एकै व्यक्तिले सबैथोक गर्न खोज्दा सम्भव नहुने बताए ।

पत्रकार महासंघ झापाका अध्यक्ष तारामणि सापकोटाको अध्यक्षतामा भएको कार्यक्रमको स्वागत उपाध्यक्ष एकराज गिरीले गरेका थिए भने कार्यक्रमको संञ्चालन सहसचिव केशव भट्टराई र सचिव शन्तोस ले गरेका थिए ।

कार्यक्रममा अनलाइन मिडिया तथा संचार संस्थामा आवद्ध जिल्लाका ६० भन्दा बढी पत्रकारको सहभागिता रहेको थियो ।

प्रतिकृया दिनुहोस्