रातोपोस्ट संवाददाता
झापा। विश्वव्यापीरुपमा फैलिरहेको कोरोना भाइरस (कोभिड–१९) को संक्रमणबाट हुनसक्ने जोखिम न्यूनीकरण गर्न सचेतनाका कार्यक्रमसंगै राष्ट्रिय युवा संघ झापाले मास्क वितरण गरेको छ ।
नेकपा सम्बद्ध राष्ट्रिय युवा संघ झापाले कोरोना भाइरसको संक्रमण फैलिने जोखिमबाट टाढा रहन आव्हान गर्दै आज झापाकाे दमक बसपार्कमा सर्वसाधारणलाई निशुल्क रुपमा मास्क वितरण गरेको छ ।
संघले पार्टी केन्द्रिय सदस्य देवेन्द्र दाहाल, प्रदेश कमिटी सदस्य गगन पुरी नेताहरुलाई समेत संलग्न गराएर मास्क वितरण गरेको हो ।
संघका जिल्ला अध्यक्ष शम्भु भण्डारीले बसपार्क परिसरमा १ हजार मास्क वितरण गरिएको जानकारी दिएका छन ।