रातोपोस्ट संवाददाता
झापा । सहारा नेपालले क्वारेन्टाइनमा राखिएका व्यक्तिको लागि खाद्यान्न उपलब्ध गराउने भएको छ ।
नोवल कोरोना भाइरस (कोभिड १९) को आशंकामा आफ्नो कार्यक्षेत्रभित्र रहेका क्वारेन्टाइनमा २० लाखकाे खाद्यान्न उपलब्ध गराउने भएकाे छ ।
संस्थाका कार्यकारी प्रमुख महेन्द्रकुमार गिरीले सहारा नेपालकाे कर्मचारी मानवीय कोषबाट २० लाख रुपैयाँ बराबरको खाद्यान्न उपलब्ध गराइने बताएका छन ।
प्रदेश नम्बर १ मा संस्थाको कार्यक्षेत्र झापा, इलाम, मोरङ, सुनसरी र उदयपुर जिल्ला रहेकाे यस कार्यक्षेत्रमा रहेकाे क्वारेन्टाइनका लागि खाद्यान्न उपलब्ध गराउने भएको हाे ।
जिल्लामा रहेका विपद व्यवस्थापन समितिको समन्वयमा खाद्यान्न उपलब्ध गराउने निर्णय भएकाे कार्यकारी प्रमुख गिरीले बताए ।