झापा। कमल गाउँपालिकाले कोरोना भाइरस (कोभिड-१९) उपचार कोषको स्थापना गरेको छ ।
गाउँपालिका अध्यक्ष मेनुका काफ्लेकाे अध्यक्षतामा बुधबार बसेको बैठकले १० लाखको आपतकालीन कोषको स्थापना गरेको हो ।
विश्वभर महामारीको रुपमा फैलिएको कोरोना नियन्त्रणका लागि विशेष अभियान सञ्चालनका लागि कोषको स्थापना गरिएको गाउँपालिका अध्यक्ष मेनुकाले बताइन ।
गाउँपालिकाले स्थापना गरेको कोषमा गाउँपालिकामा कार्यरत स्वास्थ्य शाखाका कर्मचारीहरु बाहेकले चैत महिनाको तलबको १० प्रतिशत रकम जम्मा गर्ने निर्णय गरिएको प्रमुख प्रशासकीय अधिकृत सुवास श्रेष्ठले जानकारी दिएका छन ।
उपचार कोषमा सहयोग गर्न चाहनेहरुकाे लागि एनएमबी बैङ्कमा खाता नम्बर ०६४००५८१९६४००८ मा रकम गम्मा गर्न सकिने प्रमुख प्रशासकीय अधिकृत श्रेष्ठ बताए ।
उक्त कोषमा जनप्रतिनिधिको सेवा सुविधाबाट १० प्रतिशत रकम पनि जम्मा हुने जनाइएको छ।