News Portal

  • कोरोनालाई जितेर घर फर्किएकी युवतीको सुझाव– ‘नआत्तिनुस्, सजग भएर उपचार गर्दा निको हुन्छ’

    रातोपोस्ट संवाददाता
    १४६ पटक

    काठमाण्डौ।  कोरोना भाइरस (कोभिड १९) लाई जितेर काठमाण्डौकी १९ वर्षीया किशोरी घर फर्किएको छिन् । घर फर्किँदै गर्दा उनले कोरोना भाइरसको सङ्क्रमण हुँदा डर लाग्ने भए पनि नआत्तिन आग्रह गरिन ।

    उनले भनिन, ‘रोग भन्नेबितिकै हामी सबै आत्तिन्छौँ तर नआत्तिनुस्, सजग भएर उपचार गराइयो भने कोरोनाको सङ्क्रमण निको हुन्छ ।ʼ

    उनलाई गएको चैत ९ गते टेकु अस्पतालमा भर्ना गरिएको थियो । विदेशबाट फर्किएकाले आफू अस्पतालमा परीक्षणका लागि पुगेको उनले बताइन ।

    ‘अस्पताल आउँदा त्यति धेरै असजिलो भएको थिएन, थाेरै असजिलो महसुस भएर परीक्षण गराउन टेकु अस्पताल गएको थिएँ, पोजेटिभ देखियो अनि अस्पतालमा भर्ना भएँʼ, उनले भनिन ।

    समयमा नै अस्पताल भर्ना भएकाले रोगलाई जित्न सकेको उनको भनाइ छ । उनले आफ्नो उपचारमा डाक्टर र नर्ससहित स्वास्थ्यकर्मीले राम्रो व्यवहार देखाएको पनि बताइन ।

    सङ्क्रमणका क्रममा डाक्टर र नर्ससहित स्वास्थ्यकर्मीको आत्मीय व्यवहारले आफ्नो आत्मबल बढेको उनको भनाइ थियो ।

    अस्पतालमा आफूलाई एक्लोपनको महसुस हुन नपाएको भन्दै उनले उपचारका क्रममा सहयोग गर्ने सबैलाई धन्यवाद  दिइन ।

    २७ दिनपछि अस्पतालबाट निस्कँदै गर्दा उनलाई फूल दिएर बिदाइ गरिएको थियो ।

    गएको चैत ४ गते फ्रान्सबाट कतारको दोहा हुँदै उनी काठमाण्डौ आएकी थिइन ।

    प्रतिकृया दिनुहोस्