News Portal

  • म मजदुर,मलाई त भाेक थाहा छ!

    सर्वश्रेष्ठ
    ८३७ पटक

    थाहा छ तिमिलाई
    तिमिलाइ थाहा छ
    लक डाउन के हो?
    अहँ
    मलाई थाहा भएन !
    मलाइ त भोक थाहा छ !
    भोकैले सन्तान गुमाएको
    शोक थाहा छ !

    पशुपतिमा लास सँँग 
    घाटा र नाफाको हिसाब
    थाहा छ!
    बस्ने बास नहुँदा
    त्यो पुलमुनी
    म माथी बर्सिएका
    कुटाइको पीडा थाछ!
    बस मलाई
    रोगले भन्दा भोकले 
    मर्ने मात्र थाहा छ !
    हो म त्यही मजदुर हो !

    मेरै पसिनाले
    देश सिँगार्छु
    रक्त पिपासु हरुको
    दरबार बनाउछु
    मेरै बस्ने बास हुदैन
    जिउने कुनै गाँस हुदैन
    म नै हो त्यो मजदुर !

    मलाइ कुनै राहात हुँदैन
    राहत त महलमा
    बस्ने हरुलाइ हो ।

    तिमिले सुनेकै त
    हो काठमाडौँका
    घर मालिक हरुलाई 
    जन प्रतिनिधि हरुले
    माक्स बाँडेको
    सुनेकैत होला
    के काठमाडौका घरबेटि
    माक्स किन्नै नसक्ने
    थिए र ?
    हो म त्यही मजदुर
    हो जनप्रतिनिधि को
    लात खाने
    कोरोनाले होइन
    लक डाउनमा
    भोक भोकै ज्यान जाने
    हो त्यही मजदुर हो म
    मलाइ भोक थाहा छ !
    …………………………….!!!

    डिबि सर्वश्रेष्ठ 

    प्रतिकृया दिनुहोस्