News Portal

  • पूर्वमन्त्री र आइजीपीविरुद्ध बन्धकको उजूरी

    पत्रपत्रिका
    २२५ पटक

    पूर्वमन्त्री महेश बस्नेत, नेकपाका सांसद कृष्णकुमार श्रेष्ठ (किसान) र निवर्तमान आइजीपी सर्वेन्द्र खनालविरुद्ध राष्ट्रिय मानवअधिकार आयोगमा अपहरण तथा शरीर बन्धकको उजूरी दर्ता भएको छ।

    समाजवादी पार्टीका सांसद डा.सुरेन्द्र यादवले आयोगमा पुगेर विहीबार यस्तो उजूरी दर्ता गरेका हुुन्। यादवले तीनजनाको मिलेमतोमा महोत्तरीबाट काठमाडौं ल्याइएको दाबी आयोग समक्ष गरेका छन्। उजूरीमा अपहरण तथा शरीर बन्धकको बिषयमा छानविन गरी दोषीमाथि कारवाही गरी जीवन रक्षाको माग गरिएको छ। यादवले उजूरीमा ‘आफ्नो ज्यूज्यान जोखिम’ मा रहेको बताएका छन्। यादव अपहरण गरी शरीर बन्धक बनाएर महोत्तरीबाट काठमाडौं ल्याएको दाबी गरेका छन्। उनले गत बैशाख १० गते सत्ता र शक्तिको आडमा आपूmलाई अपहरण गरिएको उजूरीमा उल्लेख गरेका छन्।

    यादवले आयोग सदस्य प्रकाश वस्ती र मोहना अन्सारीलाई भेटेर उजूरी दिएका हुन्। उजूरी दर्ता गर्न यादवले एकजना कानुन व्यवसायी पनि साथमा लगेका थिए। डा.यादवले महोत्तरीस्थित निवासबाट अपहरणमा परेको दाबी गर्दै आएका छन्। अपहरणको भोलिपल्ट काठमाडौंस्थित मेरियट होटलमा ल्याएर बस्नको व्यवस्था गरेको यादवले बताउँदै आएका छन्। उजूरीसँगै उनले भिडियो रेकर्डसमेत प्रमाणका रूपमा पेश गरेका छन्।

    ‘यादव आफैँ आएर अपहरण र शरीर बन्धक बनाएको भन्दै उजूरी दिनुभएको छ। उहाँले एउटा भिडियो पनि पेश गर्नुभएको छ’, आयोग सदस्य मोहना अन्सारीले अन्नपूर्णसँग भनिन्, ‘छानबिन गर्ने आयोगको प्रक्रिया छ। प्रारम्भिक अनुसन्धानपछि आवश्यक देखिए बृहत् छानबिन गरी मानवअधिकार उल्लंघन भएको हो कि होइन तथ्य यकीन गरी बाहिर ल्याउने छौं’, उनले उजूरीका विषयमा प्रारम्भिक अनुसन्धानका लागि आयोग सचिव वेद भट्टराईलाई निर्देशन दिइसकेको जानकारीसमेत दिइन्।

    आयोग सदस्य अन्सारीले अपहरण र शरीर बन्धक भए÷नभएको विषयमा अनुसन्धान गरिने बताइन्। उनले उजूरीलाई मानव अधिकारको दृष्टिकोणबाट हेरिने बताउँदै तत्काल छानबिन सुरु गरिने जानकारीसमेत दिइन्।

    आयोग स्रोतका अनुसार उजूरी दिन पुगेका डा.यादवले आयोग सदस्यसँग आपूmलाई कुर्था र पाइजामासँगै निवासबाट उठाएर काठमाडौं ल्याएको बताएका थिए। ‘मलाई पातलो कुर्था र पाइजामासँग काठमाडौं ल्याए, मलाई काठमाडौंमा निकै जाडो लाग्यो। बाक्लो कपडासमेत राख्न पाइनँ’, डा.यादवले आयोगमा यसरी गुनासो राखेका थिए।

    यसैबीच आयोगले बिहीबारै प्रहरी प्रधान कार्यालय र महानगरीय प्रहरी परिसर टेकुलाई परिपत्र गर्दै घटनाको विषयमा स्पष्ट पार्न भनेको छ। ‘प्रारम्भिक अनुसन्धान सुरु भइसकेको छ। प्रहरी निकायबाट अपरहरण र शरीर बन्धकको बिषयमा जानकारी मागेका छौं’, आयोग सचिव वेद भट्टराईले भने, ‘उताबाट जानकारी आएपछि अपहरण हो या होइन भनेर मानवअधिकारको दृष्टिबाट आवश्यक निर्णय लिन्छौं।’

    यसअघि डा.यादव, उक्त पार्टीका नेता डा.भट्टाईलगायत अपहरणको जाहेरी दिन महानगरीय प्रहरी परिसर गएका थिए।

    काठमाडौं प्रहरी परिसरले आफ्नो क्षेत्राधिकारभित्र नपर्ने बताउँदै जाहेरी दर्ता गर्न अस्वीकार गरेको थियो। त्यसपछि घटनाबारे जानकारी गराउँदै जाहेरी दर्ताका लागि निर्देशन दिनुपर्ने र समन्वयात्मक रूपमा अनुसन्धान गर्नुपर्ने मागसहित जिल्ला सरकारी वकिल कार्यालय काठमाडौंमा पुगे पनि प्रयास सफल भएको थिएन।-अन्नपूर्ण पाेष्ट

    प्रतिकृया दिनुहोस्

    Facebook

    Our Team

    प्रबन्ध निर्देशक : बालकृष्ण थापा
    अध्यक्ष : गणेशबहादुर मगर
    सम्पादक : दिलिप थापा
    सह-सम्पादक : प्रविण अधिकारी
    मल्टीमिडिया : एकराज प्रधान/ शेखर थापा
    व्यवस्थापक : अप्सना बेगम
    कानुनी सल्लाहकार : हरि बस्नेत

    Abouts us

    रातो पोस्ट मिडिया प्रा. लि
    मेचीनगर- ६  काँकरभिट्टा,  झापा
    फोन : ९८५२६२१३०० – ९८२५९३५२२२
    इमेल : [email protected]
    कम्पनी रजिस्ट्रार कार्यलय दर्ता नं.- २१३१००/ ७५/०७६

    Copyright © 2016-2020 RatoPost | Powered By EasySoftnepal