रातोपोस्ट संवाददाता
काठमाडौं। नेपालमा सात वर्षको बच्चामा कोरोनाभाइरसको संक्रमण पुष्टि भएको छ । स्वास्थ्य मन्त्रालयले आइतबार(आज) सात बर्षीय बच्चामा पनि कोरोना संक्रमण देखिएको जनाएको हो ।
स्वास्थ्य तथा जनसङ्ख्या मन्त्रालयका प्रवक्ता डाक्टर विकास देवकोटाले आज कोरोना पुष्टि भएका नेपालगञ्जका १० जनामध्ये एक जना सात वर्षको बच्चा पनि रहेको जानकारी दिए । तर संक्रमण देखिएका बालक वा बालिका भन्नेबारेमा भने उनले केही खुलाएनन् ।
नेपालमा सानो उमेरमा कोरोना पुष्टि भएको यो पहिलो घटना हो । आज नेपालमा थप १० जनामा कोरोना संक्रमण देखिएको छ ।