News Portal

  • सिक्किमको सीमामा भारत र चीनका सेनाबिच झडप

    रातोपोस्ट संवाददाता
    ७६६ पटक

    काठमाडौँ। उत्तरी सिक्किमको भारत र चीन सिमानामा भारतीय र चिनियाँ सेनाबीच झडप भएको छ ।

    भारतीय सञ्चारमाध्यमहरूका अनुसार शनिबार उत्तरी सिक्किमको नाकुला क्षेत्रमा दुई देशका सैनिक झडप भएको हो। झडपमा परी चार भारतीय र सात चिनियाँ सैनिक घाइते भएको हिन्दुस्तान टाइम्सले जनाएको छ। झडपमा दुबै पक्षका १५० सैनिक संलग्न भएको बताइएको छ।

    एक सैनिक अधिकारीले विवादलाई स्थानीय स्तरमै वार्ता गरेर टुंग्याइएको बताएका छन्। यसबारे दुबै देशले औपचारिक प्रतिक्रिया जनाएका छैनन्।

    सीमामा दुई देशका सैनिकहरूबीच झडप भएको यो पहिलो पटक भने होइन। तीन वर्षअघि दोक्लममा दुई देशका सैनिक आमनेसामने भएका थिए। चीन, भुटान र भारतको सीमामा पर्ने दोक्लम क्षेत्रमा चीनले बाटो बनाएपछि भारतले रोक्न खोजेको थियो।

    दोक्लम तनाव ७३ दिनसम्म चलेको थियो। २०१७ अगस्टमा लद्दाखको पेनगोङ ताल क्षेत्रमा दुई देशका सैनिकले ढुंगा हानाहान गरेका थिए।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)