रातोपोस्ट संवाददाता
काठमाण्डौ। नेपालमा कोरोना सङ्क्रमितको सङ्ख्या तीन सय ५७ पुगेको छ । सोमबार एकैपटक ५३ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
मन्त्रायका अनुसार बाँकेमा मात्रे थप ४७ जनामा कोरोना पुष्टि भएको हो । भेरी अस्पतालको प्रयोगशालामा भएको परीक्षणमा बाँकेका ४६ जना पुरुष र एक जना महिलामा सङ्क्रमण पुष्टि भएको मन्त्रालयले जनाएको छ । यस्तै सोमबार नै मोरङ, गुल्मी, धनुषा, रौतहट, दाङ र धादिङका एकरएक जनामा कोरोना सङ्क्रमण पुष्टि भएको छ ।
यसअघि सोमबार बिहान रौतहटका आठ र बाराका एक जनामा कोरोना भाइरसको सङ्क्रमण भएको पुष्टि भएको थियो । उनीहरु सबैको स्वास्थ्य अवस्था सामान्य रहेको पनि मन्त्रालयले जनाएको छ ।