काठमाडौं। बारामा थप चार जना प्रहरीमा कोरोना संक्रमण देखिएको छ। यसअघि एक जवानमा संक्रमण देखिएपछि अरु प्रहरीको पनि स्वाब संकलन गरिएको थियो।

स्वाब संकलन गरेकामध्ये एक जना प्रहरी नायव निरीक्षक (सई), एक जना हवाल्दार र दुई जना जवानमा पनि कोरोना संक्रमण देखिएको बाराका प्रहरी प्रमुख एसपी कृष्ण पंगेनीले बताए।

आइतबार देशभर थप १९ जनामा कोरोना संक्रमण पुष्टि भएको छ। नेपालमा कोरोना संक्रमितको संख्या ६ सय ३ पुगेको छ भने ८७ जना उपचारपछि निको भएर घर फर्केका छन्।