रातोपोस्ट संवाददाता
कञ्चनपुर, १९ जेठ । कञ्चनपुरको शुक्लाफाँटा नगरपालिका ११ मा ११ महिने बालिकामा पनि कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा गरिएको परीक्षणमा उनको रिपोट पोजिटिभ आएको शुक्लाफाँटा नगरपालिकाका स्वास्थ्य प्रमुख परमानन्द भट्टले बताए ।
संक्रमितका आमाबुवा यही जेठ १४ गते धनगढीको गौरीफन्टा नाका हुँदै कञ्चनपुर आइपुगेका थिए । संक्रमित बालिका बुवाआमासँगै भारतको गुडगाउँबाट नेपाल आएकी हुन् ।
बालिकाकी आमाको रिपोर्ट नेगेटिभ आएको छ भने बुवाको परीक्षण हुन बाँकी छ। उनीहरुकाे सम्पर्कमा रहेका व्यक्तिको अहिले खाेजी भइरहेको छ ।