News Portal

  • अस्पतालले कामबाट हटाएपछि शरीरमा आगो लगाएका सिद्धार्थको मृत्यु

    रातोपोस्ट संवाददाता
    ४०९ पटक

    अछाम : बयलपाटा अस्पतालले कामबाट हटाएपछि अस्पतालमै शरीरमा आगो लगाएर आत्मदाहको प्रयास गरेका सिद्धार्थ आउजीको मृत्यु भएको छ । उनको नेपालगजको कोहलपुरमा उपचारका क्रममा मृत्यु भएको इलाका प्रहरी कार्यलय साफेबगरका प्रमुख नरपति भट्टले जानकारी दिए।

    साँफेबगर नगरपालिका-६ भागेश्वरका सिद्धार्थले सोमबार बिहान अस्पतालमै शरीरमा पेट्रोल छर्केर आगो लगाएका थिए। गम्भीर घाइते भएका आउजीको स्थानिय स्तरमा उपचार सम्भव नभएपछि कोहलपुर रेफर गरिएको थियो।

    तर, अस्पताल पुर्‍याइएका आउजीले २/३ घण्टासम्म अस्पतालमा बेड नपाएको भोगेश्वरका वडाध्यक्ष प्रेमराज शर्माले जानकारी दिए। उनी बयलपाटा अस्पतालका सरसफाइ कर्मचारी हुन्। बयलपाटा अस्पतालले दाताहरुबाट रकम कटौती हुदै आएपछि कर्मचारी पाल्न नसक्ने भन्दै अहिले ३२ जना कर्मचारीलाई हटाएपछि चौतर्फी विरोध भइरहेको छ ।

    कर्मचारी हटाइएको सूचीमा सिद्धार्थ समेत परेका थिए । उनलाई दुई महिना अगाडि नै हटाइएको पत्र दिइएको थियो । उनको पुरानो नियुक्ति सकिन अझैं दुई महिना बाँकी रहेको छ। उनको दश महिनाकी छोरी, ४ वर्षका छोरा र श्रीमती छन् । यता बयालपाटा अस्पतालले भने अस्पतालमा आर्थिक अभाव भएको भन्दै कार्यसम्पादन र अनुशासनको आधारमा कर्मचारी हटाएको बताएको छ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)