News Portal

  • जीवितलाई मृत्यु भएको भन्दै अस्पताल तोडफोड

    रातोपोस्ट
    १८२ पटक

    चितवन जेठ ३०। चितवन मेडिकल कलेजमा उपचाररत एक बिरामीका आफन्तले आफ्नो विरामीको मृत्यु भएको भन्दै बिहीबार तोडफोड गरेका छन्। उनीहरुले अस्पतालको सघन उपचारकक्ष बाहिर तोडफोड गरेका हुन्।

    जिल्ला प्रहरी कार्यालय चितवनका प्रहरी प्रबक्ता प्रहरी नायब उपरीक्षक एकनारायण कोइरालाका अनुसार तोडफोड गर्ने तीन जनालाई पक्राउ गरी साँझ छाडिएको छ। उनीहरुले ढुङ्गा प्रहार गर्दा सघन उपचारकक्षको बाहिरको सिसा फुटेको अस्पतालले जनाएको छ।

    अस्पतालका अनुसार भरतपुर महानगरपालिका–२२ पदमपोखरीका १७ वर्षीय युवक आशिष सुनारको एपेन्डीसाइडको शल्यक्रियापछि उपचार भइरहेको छ। कलेजका अध्यक्ष प्रा डा हरिशचन्द्र न्यौपानेका अनुसार ती युवकलाई जटिल प्रकृतिको एपेण्डिक्स भएको छ।

    हाल उनको सघन उपचारकक्षमा उपचार भइरहेको भन्दै बुझ्दै नबुझी मृत्यु भएको भनेर तोडफोडमा उत्रिएको उनले बताए। कोही कसैको लहैलहैमा हुने यस्ता समस्याले गर्दा अस्पतालमा कार्यरत चिकित्सकको मनोवल घट्ने उनको भनाइ छ।

    चिकित्सकले जानीजानी लापरवाही नगर्ने भन्दै उनले समस्या परे जो कोहीले कानूनको बाटो रोज्नुपर्ने बताए। उनले यो कारोना संक्रमणको समयमा ज्यान जोखिममा राखेर काम गर्ने चिकित्सकको मनोवल गिर्न नदिन पनि आग्रह गरेका छन्।रासस

    प्रतिकृया दिनुहोस्