काठमाडौं, असार ५ : गण्डकी प्रदेशमा थप २४ जनामा कोरोना संक्रमण देखिएको छ ।

स्वास्थ्य निर्देशनालय, गण्डकी प्रदेशका अनुसार वाग्लुङमा १४ जना, कास्कीमा ६ जना, स्याङजा र नवलपरासी वर्दघाट सुस्ता पूर्वमा २/२ जना गरी २४ जनामा कोरोना संक्रमण पुष्टि भएको हो ।

थप भएका नयाँ २४ जना संक्रमितहरु सबैजना भारतबाट फर्किए र सबैजना सम्बन्धित पालिकाको क्वारेन्टाइनमा रहेका छन् । यो सँगै गण्डकी प्रदेशमा कोरोना संक्रमितको संख्या ३४८ पुगेको छ ।