रातोपोस्ट संवाददाता
झापा, असार १२ । मेचीनगरका एक सहित झापामा थप ४ जनामा कोरोना संक्रमण पुष्टि भएको छ । आज संक्रमण पुष्टि भएका झापाको मेचीनगर वडा नम्बर १ का १८ बर्षीय पुरुष रहको जनस्वास्थ्य कार्यालय झापाका फोकल पर्सन जीवन चौलागाईंले जानकारी दिए ।
उनका अनुसार मेचीनगरका संक्रमित केही दिन अघि भारतबाट आएर वडाको क्वारेन्टाइनमा बसेका थिए ।
त्यस्तै दमक नगरपालिका वडा नम्बर ३, ८ र ९ का १ महिला र २ पुरुषहरुमा समेत कोरोनाको संक्रमण पुष्टि भएको छ ।
संक्रमितहरु कुबेत र साउदी अरबबाट आएका हुन् । महिला संक्रमित दमक स्थित सिएमए क्याम्पसको क्वारेन्टाइनमा रहेको र पुरुष संक्रमितहरु मिष्ट कलेज क्वारेन्टाइनमा रहका चौलागाईंले बताए ।
यो सँगै झापामा झापामा संक्रमितको संख्या २ सय २१ पुगेको छ ।