रातोपोस्ट संवाददाता
झापा, असार १७ । मेचीनगरका ७ सहित झापामा आज थप २० जनामा कोरोना संक्रमण पुष्टि भएको छ । योसँगै झापामा संक्रमितको संख्या २४९ पुगेको छ ।
मेचीनगरमा पुष्टि भएकाहरुमा वडा नं ५ का ४ जना, वडा नं १० का २ जना, ११ का १ जना रहेेेका छन् । संक्रमित सबै भारतबाट आएर धुलावारी स्थित अतिथि सदन भवनको क्वारेन्टाइनमा रहेका सामाजिक विकास समिति संयोजक नबिन बरालले जानकारी दिए ।
आज थप ७ जनामा कोरोना संक्रमण पुष्टि हुँदा मेचीनगरमा मात्र संक्रमितको संख्या २७ पुगेको छ भने ३ जना निको भएर घर फर्की सकेका छन् ।
झापाको मेचीनगरमा ७, बुद्धशान्ति ५, गौरादह ७ र गौरीगञ्जका १ जनामा कोरोना पुष्टि भएको जनस्वास्थ्य कार्यालय झापाका फोकल पर्सन जीवन चौलागाईले जानकारी दिए ।
झापाका संक्रमितमध्ये १८८ जना उपचारपछि घर फर्किसकेका छन् ।