काठमाडौं, असार २४ । नेपालमा बुधवार थप २५५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार विभिन्न जिल्लामा उक्त संख्याका व्यक्तिमा कोरोना संक्रमण पुष्टि भएको हो ।

बुधवार आयोजित पत्रकार सम्मेलनमा प्रवक्ता डा जागेश्वर गौतमले ९७ प्रतिशत संक्रमित बाहिरबाट भित्रिएका नेपाली रहेको बताए । ४ हजार ६९६ जनाको आरडीटी पीसीआर विधिबाट कोरोना परीक्षण गर्दा २५५ जना संक्रमित भेटिएको उनले बताए ।

हाल ८ हजार ६३६ जना देशका विभिन्न अस्पतालको आईसोलेशनमा रहेका छन् । उनले हालसम्म पनि समुदाय स्तरमा कोरोना नफैलिएको पनि बताए । योसँगै नेपालमा कोरोना संक्रमितको संख्या १६ हजार ४२३ पुगेको छ ।