News Portal

  • अपराधलाई संरक्षण गर्ने न्यायाधीशमाथि महाअभियोग लगाऔं : डा. भट्टराई

    रातोपोस्ट संवाददाता
    ६१८ पटक

    काठमाडौं, श्रावण ९ । पूर्वप्रधानमन्त्री डा. बाबुराम भट्टराईले अपराधलाई संरक्षण गर्ने न्यायाधीशमाथि महाअभियोग लगाउने प्रस्ताव गरेका छन् । सर्वोच्च अदालतका प्रधानन्यायाधीश चोलेन्द्र शमशेर र न्यायाधिश तेजबहादुर कार्कीले पूर्वडीआईजी रञ्जन कोइरालाको जेल सजाय कटौती गरेपछि भट्टराईले उक्त प्रस्ताव गरेका हुन् । उनले कोइराला रिहा भएको भोलिपल्टै न्यायाधीशमाथी महाअभियोग लगाउन प्रस्ताव गरेका हुन् ।

    साथै उनले प्रधानमन्त्री केपी ओलीलाई विदा गरेर नेकपा भित्रैबाट अर्को व्यक्ति चयन गर्न पनि भनेका छन् ।

    समाजवादी पार्टीका अध्यक्षसमेत रहेका डा. भट्टराईले देश संकटतिर गएको भन्दै लोकतान्त्रिक ढंगले संकट मोचन गर्न ट्वीटरमार्फत् पांच वटा प्रस्ताव सार्वजनिक गरेका छन् ।
    भट्टराईले संसद अधिवेशन बोलाउन, केपी ओलीलाई विदा गरेर नेकपाभित्रैबाट नयां प्रधानमन्त्री चयन गर्न, भ्रष्टाचार रोक्न शक्तिशाली लोकपाल गठन गर्न, प्रत्यक्ष निर्वाचित कार्यकारी राष्ट्रपतिमा जान र अपराधको संरक्षण गर्ने न्यायाधीशलाई महाअभियोग लगाउन प्रस्ताव गरेका हुन् ।

    भट्टराईले अर्को ट्विटमा भनेका छन् ‘पत्नीको हत्या गर्ने डिआइजी अदालतबाट सजाय कटौती गराएर विजयी राजनेता झैं हात हल्लाउँदै निस्कन्छ । जांड खाएर गाडी चलाउंदा सडकपेटीमा मान्छे मार्ने धनाढ्यको छोरो अदालतबाट धरौटीमा रिहा हुन्छ । सांसद अपहरण गर्ने पूर्व आइजीपी विरूद्ध सरकारले मुद्दै चलाउँदैन । यो असफल राज्यको लक्षण नभए के हो?’

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)