News Portal

  • काँकरभिट्टाको सीमा क्षेत्रमा खटिएका १८ शसस्त्र प्रहरीमा कोरोना संक्रमण पुष्टि

    रातोपोस्ट संवाददाता
    ८७१ पटक

    झापा, साउन ९ । झापाको भारतीय सीमावर्ती नाका काँकरभिट्टा क्षेत्रमा खटिएका १८ शसस्त्र प्रहरीमा कोरोना संक्रमण पुष्टि भएको छ । अन्य थप ७ जनामा समेत कोरोना संक्रमण देखिएको छ । स्वास्थ्य कार्यालय झापाका फोकल पर्सन जीवन चौलागाईँका अनुसार थपिएका मध्ये शसस्त्र प्रहरीका १७ पुरुष र १ महिला छन् ।

    आज संक्रमण पुष्टि भएकाहरु शसस्त्र प्रहरीहरु नेपाल–भारत सीमाक्षेत्र, काँकरभिट्टा होल्डिङ सेन्टर र क्वारेन्टाइनमा खटिएको बताइएको छ । यस अघि २ जना सशस्त्रका जवानमा कोरोना संक्रमण देखिएको थियो ।

    गत साउन ७ गते थप ४८ जना शसस्त्र प्रहरीको स्वाब संकलन गरी विराटनगर स्थित प्रादेशिक प्रयोगशालामा परिक्षणका लागि पठाइएको थियो । त्यस्तै, आजै बाह्रदशी गाउँपालिकाका ३, झापा गाउँपालिकाका ३ र बिर्तामोड नगरपालिकाका १ जनामा समेत कोरोना संक्रमण पुष्टि भएको हो ।

    सबै संक्रमितहरुलाई थप उपचारका लागि मोरङको गोठगाउँस्थित कोभिड आइशोलेसन केन्द्र लागिएको छ । यो सँगै झापामा संक्रमितको संख्या ३ सय ४५ पुगेको छ । २ सय ९९ जना निको भएर घर फर्किसकेका छन् ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)