रातोपोस्ट संवाददाता
बिर्तामोड, साउन १३ । झापाको बुद्धशान्ति गाउँपालिकामा खोलाले बगाउँदा एकजना बालकको मृत्यु भएको छ ।
मृत्यु हुनेमा बुद्धशान्ति गाउँपालिका–३ पिपलबोटेका महेश राईका ३ बर्षे छोरा मौषम राईको मृत्यु भएको जिल्ला प्रहरी कार्यालय झापाका सुचना अधिकारी राकेश थापाले बताएका छन् ।
घर बाहिर खेल्ने क्रममा घर नजिकै रहेको स्थानीय हडिया खोलाले बालक बगाएको थियो । खोलामा बग्दै गरेको अवस्थामा स्थानीयले तत्काल उद्धारगरी उपचारको लागि एक स्थानीय पोलिक्लिनिकमा लगेका थिए । उनको उपचारको क्रममा मृत्यु भएको बताईएको छ ।