News Portal

  • थप २१० जनामा काेराेना सङ्क्रमण, १४६ जना डिस्चार्ज

    रातोपोस्ट संवाददाता
    ४४२ पटक

    काठमाडौं, श्रावण १४ । नेपालमा पछिल्लो २४ घण्टामा दुई सय १० जनामा कोरोना भाइरसकाे सङ्क्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा २१० जना संक्रमित थपिएका हुन् ।

    पछिल्लो २४ घण्टामा कोरोना निको हुनेको संख्या १४६ रहेको उनले जानकारी दिए । उनका अनुसार हालसम्म १४ हजार २१ जना कोरोना निको भएका छन् । कुल कोरोना निको हुने संख्या ७२ दशमलव ७ प्रतिशत रहेको उनले जानकारी दिए ।

    पछिल्लो २४ घण्टामा छ हजार ३७ जनाको आरटी पीसीआर परीक्षण गरिएको मन्त्रालयले जनाएको छ । क्‍वारेन्टिनमा १४ हजार ४७१ जना रहेका छन् ।

    पछिल्लो सात दिनको कोरोना संक्रमितको तथ्याङक अनुसार साउन ८ गते १४७ जना,साउन ९ गते १३३ जना संक्रमित साउन १० गते १०९ जना, साउन ११ गते १३० जना, साउन १२ गते १३९ जना, साउन १३ गते ३११ जना कोरोना संक्रमित थपिएका थिए । नेपालमा कोरोना सङ्क्रमणबाट अहिलेसम्म ४९ जनाको मृत्यु भएको छ ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)