News Portal

  • झापामा ओरियन्स कम्पनीको सामानसहित ६ जना पक्राउ

    रातोपोस्ट संवाददाता
    ६४४ पटक

    झापा, भदौ १६ । झापामा इलाका प्रहरी कार्यालय झिलझिलेलबाट नेटवर्किङ व्यवसाय ओरियन्स कम्पनीको सामान बराबद गरेको छ । भन्सार छली अबैधरुपमा ल्याउँदै गरेको नेर्टवर्किङ ब्यवसाय ओरियन्स कम्पनीको सामान सहित ६ जनालाई झिलझिले प्रहरीले पक्राउ गरेको छ ।

    झिलझिले प्रहरीले ओरियन्स कम्पनीका ६ लाख ७६ हजार ९४५ रुपैयाँ मूल्य बराबरको सामानसहित ६ जनालाई सोमबार नियन्त्रणमा जनाएको छ ।

    उनीहरुको साथबाट वीटग्रास डायट्री सप्लीमेन्ट ६० क्याप्सुल लेखिएका ३०७ वटा बट्टा बरामद भएको प्रहरीले जनाएको छ ।पक्राउ पर्नेहरुमा इटहरी उपमहानगरपालिका–१८ बस्ने २८ वर्षिय नगेन्द्र चौधरी, सोही ठाउँका २६ वर्षिय शिवराम चौधरी, मोरङ ग्रामथान गाउँपालिका–६ बस्ने २३ वर्षिय सुरजकुमार चौधरी, सोही गाउँपालिका– ७ बस्ने २५ वर्षिय दीपक सिंह , वडा नं ६ बस्ने २५ वर्षिय लक्ष्मण माझी र कटहरी गाउँपालिका–७ का २३ वर्षिय सुनिल विश्वास रहेका छन् ।

    उनीहरुले सामान बोक्न प्रयोग गरेको को ३३ प ८३०८ ,को १७ प २८५६ नम्बरकोे मोटरसाइकल र को ३४ प ५६८६ नम्बरको स्कुटर बरामद भएको झिलझिले प्रहरीले जनाएको छ । इलाका प्रहरी कार्यालय झिलझिलेका प्रहरी निरीक्षक कोमल ठाकुरको नेतृत्वमा खटिएको प्रहरीको टोलीले ठूलो परिमाणमा औषधी सहित उनीहरुलाई नियन्त्रणमा लिन सफल भएको हो ।

    जिल्ला प्रहरी कार्यालय झापाका प्रवक्ता प्रहरी नायब उपरीक्षक राकेश थापाले अहिलेसम्म भन्सार छली ल्याएको ५० लाख बराबरको ओरियन्स कम्पनीको सामान बरामद भएको बताए । उनका अनुसार भदौ महिनामा मात्र १४ लाख मूल्य बराबरको ओरियन्स कम्पनीको सामान बरामद गरी भन्सारमा बुझाइएको थियो ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)