News Portal

  • साथी म बन्दी छु – कमरेड माइला लामा

    रातोपोस्ट
    १३८० पटक

    फलामे ढोका पर्खालभित्र, साथी म बन्दी छु
    न्यायको गीत गाउँदै हिँड्दा, साथी म बन्दी छु ।

    विदेश होइन युवाको पौरख, देशभित्रै पोख्न देऊ
    प्यारीको साथमा पसिना धारा, माटोमा रोप्न देऊ
    दिदी र बहिनी पराइको देशमा, बेचिन नदेऊ
    भनेर युवा आवाज गाउँदा, साथी म बन्दी छु ।

    ढुकुटीमाथि लामो हात गरे, देश भो बर्बाद
    माटोको माया गर्छु भन्नेलाई, छैन केही पर्वाह
    भ्रष्टका धन जफत गर, राज्यको बनाऊ
    भनेर देशको हितमा गाउँदा, साथी म बन्दी छु ।

    सीमाना हाम्रो खुम्चिँदै गयो, मिच्दै छ छिमेकी
    पराइको हेपाइ सहेर कति, बस्ने हो नेपाली
    माटोका खातिर जाग्नुपर्ने भो, लड्नु नै पर्ने भो
    भनेर देशको स्वाभिमान गाउँदा, साथी म बन्दी छु ।

    मान्छेले मान्छे ठगेर खाने, चलन मेटाइदिऊँ
    विभेदका पर्खाल ढालेर सबै समान बनाइदिऊँ
    सुखले जिऊन् नेपालीजन, शान्तिले बाँच्न देऊ
    भनेर देशको समृद्धि गाउँदा साथी म बन्दी छु ।               

    माइला लामा, नख्खु कारागार, ललितपुर, २५ साउन, २०७६
    हाल : जिल्ला कारागार संखुवासभा 

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)