News Portal

  • स्पेनिस ला लिगा : रियल मड्रिडको पहिलो जित

    रातोपोस्ट संवाददाता
    ५२१ पटक

    काठमाडौं, असोज ११ । स्पेनिस ला लिगाको नयाँ सिजनमा रियल मड्रिडले पहिलो जित दर्ता गरेको छ । शनिबार राति भएको खेलमा रियल बेटिसलाई पराजित गर्दै मड्रिडले पहिलो जित दर्ता गरेको हो ।

    पहिलो हाफमा २/१ ले पछाडि परेको रियल मड्रिडले दोस्रो हाफमा जित निकालेको हो । रियल मड्रिडका लागि खेलको १४ औँ मिनेटमा भल्भेर्देले गोल गरेर अग्रता दिलाएका थिए । ३५ औं मिनेटमा रियल बेटिसका म्यान्डी र विलियम कारभाल्होले ३७ औँ मिनेटमा गोल गरेपछि पहिलो हाफमा रियल २/१ ले पछि परेको थियो ।

    दोस्रो हाफको सुरुमै खेलको ४८ औँ मिनेटमा रियल बेटिसका लेइते डी सोउजा जुनियरको आत्मघाती गोलले रियल मड्रिडलाई फाइदा भयो । आत्मघाती गोलले खेल २(२ को बराबरीमा पुग्यो ।

    फेरि खेलको ८२ औं मिनेटमा पाएको पेनाल्टीको सदुपयोग गर्दै रियल मड्रिडका लागि सर्जिओ रामोसले गोल गरे । पहिलो खेलमा बराबरीमा रोकिएको रियललाई आत्मघाती गोल र पेनाल्टी पहिलो जित दर्ता गर्न सहज भयो ।

    गएराति भएका अन्य खेलमा रियल सोसिडाडले एल्चेलाई ३/ ० ले हराएको छ । गेटाफे र एलाभेसले गोलरहित बराबरी खेलेका छन् भने भ्यालेन्सिया र हुएस्काले १/ १को बराबरी खेलेका छन् ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)