रातोपोस्ट संवाददाता
काठमाडौँ,२० असाेज। नेत्र विक्रम चन्द (विप्लव) नेत्रित्वकाे नेपाल कम्युनिस्ट पार्टीका नेता चन्द्रबहादुर चन्द ‘वीरजङ्ग’ लाई प्रहरीले पुनः गिरफ्तार गरेको छ । जिल्ला अदालत ललितपुरको आदेशमा सोमबार रिहा हुनेबित्तिकै उनलाई प्रहरीले सातौँपटक गिरफ्तार गरेको हो ।
रिहा हुनेबित्तिकै नेता वीरजङ्गलाई गिरफ्तार गरेर पुनः काठमाडौँको कमलपोखरी प्रहरी कार्यालयमा राखिएको छ । कोरोना भाइरस सङ्क्रमण लगायत विभिन्न रोगले पीडित नेता वीरजङ्गको स्वास्थ्य अवस्था निकै नाजुक रहेको भन्दै उनको परिवारले चिन्ता व्यक्त गरेको छ । यसअघि दाङ, काभ्रे, भोजपुर, सुनसरीलगायत ६ ठाउँबाट रिहा भए पनि प्रहरीले नेता वीरजङ्गलाई राजनीतिक आस्थाका आधारमा गिरफ्तार गरेर पटकपटक गिरफ्तार गरेको परिवार स्राेतले जनाएकाे छ ।