बिराटनगर,४ कात्तिक। जुवातास खेलिरहेका १२ जनालाई माेरङ्ग प्रहरीले साेमबार राती नगदसहित पक्राउ गरेको छ। जुवा खेलिरहेकाे भन्ने गोप्य सूचनाका आधारमा रतुवामाई नगरपालिका–७ जामबाडीस्थित पोखरीको डिलमा रहेको टहरोमा छापा मार्दा १४ हजार २ सय ७० रुपैयाँ नेपाली नाेट , ६ सय मलेसियन रिंगेट, १२ बुक तास र तीन थान मोटरसाइकल सहित १२ जनालाई पक्राउ गरिएकाे प्रहरीले जनाएकाे छ ।

चाडपर्वलाई मध्यनजर गर्दै जिल्लाभरी जुवाविरुद्ध अभियान थालेको र यसअघि पनि माेरङ्गका विभिन्न स्थानहरूबाट माेटाे रकमसहित जुवाडेहरूलाई पक्राउ गरिसकेकाे प्रहरीले जनाएकाे छ।