News Portal

  • नाइजेरियामा खेतमा काम गरिरहेका ४३ मजदूरको घाँटी रेटेर हत्या

    रातोपोस्ट संवाददाता
    ४३७ पटक

    उत्तर, १५ मंसिर । पूर्व नाइजेरियामा शनिबार भएको एक हमलामा कम्तीमा ४३ को मृत्यु भएको छ । नाइजेरियाका राष्ट्रपतिले यो हमलालाई ‘पागलपन’ को संज्ञा दिएका छन् ।

    मिडिया रिपोर्टका अनुसार हमलाकर्ताले धानको खेतमा काम गरिरहेका मजदुरलाई बाँधेर उनीहरुको घाँटी रेटेका छन् । यो हमला बोर्नो राज्यको राजधानी मेडूगरी नजिकै भयो ।

    यो इलाकामा बोको हरम र इस्लामिक स्टेट पश्चिम अफ्रिकासँग सम्बन्धित चरमपन्थी सक्रिय छन् ।यो हमलालाई पछिल्ला केही महिनामा भएको हमलामध्ये ‘सबैभन्दा विभत्स हमला’ बताइएको छ ।

    अहिलेसम्म कुनै पनि संगठनले यो हमलाको जिम्मेवारी लिएको छैन । राष्ट्रपति मोहम्मदू बुहारीले यो हमलाको निन्दा गर्दै भनेका छन्, ‘मिहिनेती मजदुरमाथि गरिएको यो हमलाको जति निन्दा गरेपनि कम छ । पूरा देश लज्जास्पद हत्याबाट आहत छ ।’ केही प्रत्यक्षदर्शीलाई उद्धृत गर्दैै समाचार एजेन्सी एएफपीले लेखेको छ, ‘हामीले अहिलेसम्म ४३ को शव भेटेका छौं । सबैको रेटेर हत्या गरिएको छ । ६ व्यक्ति यस्ता पनि छन् जसको शवमा गम्भीर चोट छ । ’ केही मजदुर गायब भएको पनि बताइएको छ ।

    एएफपीको रिपोर्ट अनुसार मारिएका मजदुर नाइजेरियाको उत्तर–पश्चिमी राज्य सोकोताका हुन् । यी सबै करिब एक हजार किलोमिटर टाढा, उत्तर पूर्वस्थित बोर्नो राज्यमा रोजगारीको खोजीमा आएका थिए ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)