काठमाडौं , १५ मंसिर । पछिल्लो २४ घन्टामा नेपालमा थप १४ सय ७४  जनामा कोरोना संक्रमण पुष्टि भएको छ भने २९ जनाको निधन भएको छ ।

स्वास्थ्य तथा जनसंख्या मन्त्रालयले दिएको जानकारी अनुसार हालसम्म कोरोना संक्रमणबाट निधन हुनेको संख्या १५ सय ८ पुगेको छ भने कुल संक्रमितको संख्या २ लाख ३३ हजार ४५२  पुगेको मन्त्रालयले जनाएकाे छ ।

यस्तै मन्त्रालयका अनुसार सोमबार १९ सय ३१ जना डिस्चार्ज भएका छन्। योसहित निको हुनेको संख्या २ लाख १४ हजार ५२१ पुगेको  छ।देशभर क्वारेन्टिनमा ५३५ जना रहेका छन् भने आइसोलेसनमा १७ हजार ४२३ जनाको उपचार भइराखेको छ।