रातोपोस्ट संवाददाता
उदयपुर, २६ मङ्सिर। उदयपुरमा आफ्नै बुबामाथि कुटपिट गरि हत्या गरेको अभियाेगमा प्रहरीले एक महिलालाई पक्राउ गरेको छ।
आफ्नै बुबा ५५ वर्षीय नेत्र बहादुर पुलामी मगरको कुटपिट गरी हत्या गरेको अभियोगमा लिम्चुङबुङ गाउँपालिका-२ डाँडागाँउ बस्ने २८ वर्षीया अनिसा पुलामी मगरलाई बुधबार दिउँसो प्रहरीले पक्राउ गरेको हो ।
घरायसी झगडामा मंगलबार अनिसाले कुटपिट गर्दा घाइते भएका नेत्रको बुधबार मृत्यु भएको भन्ने खबर प्राप्त हुनासाथ जिल्ला प्रहरी कार्यालय र ईलाका प्रहरी कार्यालय लिम्चुङबुङबाट खटिएको प्रहरीले उनलाई पक्राउ गरेको र
यस सम्बन्धमा थप अनुसन्धान भैरहेको प्रहरीले जनाएको छ।