झापा, २९ मंसिर । प्रमुख प्रतिपक्षी दल नेपाली काँग्रेसले आज (सोमबार) देशभर सरकार विरुद्ध विरोध शक्ति प्रदर्शन गरेको छ । विरोध प्रदर्शनका लागि काँग्रेस कार्यकर्ताले देशैभर र्याली निकालेका छन् ।
झापामा पनि विभिन्न ठाउँबाट र्याली निकालिएको छ । सरकार भ्रष्ट्राचार, कूशासन र अधिनायकवादतर्फ उन्मुख भएको भन्दै काँग्रेसले देशव्यापी विरोध प्रदर्शन आयोजना गरेको हो ।
झापामा विहान १२ बजेको पूर्व निर्धारित समयभन्दा केही ढिलोगरी सुरुंगाबाट कांग्रेसले निकालेको मोटरसाइलक र्याली विर्तामोड आइपुग्दा पुरै राजमार्ग भरिभराउ भएको थियो ।नेपाली कांग्रेसले आज झापामा शानदार शक्ति प्रदर्शन गरेको छ ।
विरोधसभालाई सम्बोधन प्रमुख अतिथि पार्टीका केन्द्रीय सहमहामन्त्री डा. प्रकाशशरण महत गरेका थिए । पार्टीका केन्द्रीय सदस्य एवम् संविधानसभा सदस्य केशवकुमार बुढाथोकी लगायतका नेताहरु सभामा रहेकाे थियोे भने पार्टीका जिल्ला सभापति उद्धव थापाको अध्यक्षतामा सभा सञ्चालन गरेका थिए ।