News Portal

  • ४ महिनापछि जोरबिजोर प्रणाली हट्यो

    रातोपोस्ट संवाददाता
    ५४५ पटक

    काठमाडौं, २ पुस । उपत्यकाको यातायात क्षेत्रमा लाग्दै आएको जोरबिजोर प्रणाली अन्त्य भएको छ । बिहीबार स्थानीय प्रशासन र यातायात व्यवसायीबीच ४ महिनादेखि लाग्दै आएको जोरबिजोर प्रणाली शुक्रबारदेखि अन्त्य गर्ने सहमति भएको हो । जोरबिजोर प्रणालीको अन्त्य गर्नुपर्ने माग गर्दै आएका यातायात व्यवसायी तथा मजदूरहरुले शुक्रबारदेखि जोरबिजोर प्रणालीको अवज्ञा गर्ने घोषणा गरेसँगै प्रशासन आफ्नो पूर्वनिर्णयबाट पछि हटेको हो ।

    बिहीबार दिउँसो जिल्ला प्रशासन कार्यालयमा बसेको बैठकमा प्रशासनका अधिकारी, सुरक्षा निकायका प्रतिनिधि, यातायात व्यवस्था विभागका प्रतिनिधि तथा यातायात व्यवसायी तथा यातायात मजदुरका प्रतिनिधिको सहभागिता थियो । सो बैठकले गत साउन २१ गतेदेखि लाग्दै आएको जोरबिजोर प्रणाली हटाउने एक बुँदे सहमति गरेको हो । नेपाल यातायात मजदुर संघका अध्यक्ष धर्मराज भण्डारीले प्रशासन, व्यवसायी र मजदूरबीच सहमति भएको भन्दै अब यातायात निर्वाध ढंगले सञ्चालन गर्ने अवस्था बनेको बताए ।

    ‘प्रशासन र हामीबीच सहमति भएको छ । सहमति नभएको भए पनि हामी अवज्ञा गर्ने पक्षमा थियौं । जोरबिजोर प्रणालीले कोरोना महामारी अन्त्य गर्दैन बरु बढाउँछ भनेर हामीले भन्दै आएका हौं, प्रशासनले हाम्रो माग पूरा गरेको छ,’ उनले भने । सार्वजनिक यातायात मात्रै नभएर शुक्रबारदेखि सबै प्रकारका यातायातमा लाग्दै आएको जोरबिजोर प्रणाली पनि हट्ने भएको छ । यसबारे प्रशासनले पनि यसअघि जारी आदेशलाई फिर्ता लिनेगरी अर्को आदेश जारी गरिसकेको छ ।

    बिहीबारको सहमति अनुसार यातायात व्यवस्था विभागले यसअघि जारी स्वास्थ्य मापदण्ड व्यवसायी र मजदुरले पालना गर्नुपर्नेछ । यो मापदण्ड पूरा गर्न आफूहरु तयार रहेको अध्यक्ष भण्डारीले बताए ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)