News Portal

  • मुद्दा मिलाइदिने भन्दै रकम मागेको अभियोगमा एकजना पक्राउ

    रातोपोस्ट संवाददाता
    १६२ पटक

    काठमाडौं, माघ २। महानगरीय प्रहरी वृत्त थानकोटमा अनुसन्धानको क्रममा रहेको मुद्दा मिलाइदिन्छु भनि पीडित पक्षसँग ९० हजार रुपैयाँ मागेको अभियोगमा प्रहरीले एकजनालाई  पक्राउ गरेकाे छ।

    पक्राउ पर्नेमा  मकवानपुर टिष्टुङ पालुङ नगरपालिका-१२ घर भएका ३९ वर्षीय चन्द्र लामा भन्ने बुद्धि बहादुर घलान रहेकाे र उनलाई बिहीबार बिहान प्रहरीले पक्राउ गरेको हाे ।

    महानगरीय अपराध महाशाखा तथा महानगरीय प्रहरी वृत्त थानकोटबाट खटिएको संयुक्त प्रहरी टोलीले उनलाई काठमाडौं महानगरपालिका-१५ स्वयम्भूबाट पक्राउ गरेको हो । घलान उपर मुलुकी अपराध संहिता, २०७४ बमोजिम थप अनुसन्धान भइरहेको महानगरीय प्रहरी वृत्त थानकोटले जनाएको छ ।

    प्रतिकृया दिनुहोस्