रातोपोस्ट संवाददाता
पाेखरा, ३० बैशाख । कोरोना सङ्क्रमणले अग्रज सञ्चारकर्मी ४२ वर्षीय गणेश पौडेलको मृत्यु भएको छ । उनको बिहीबार बिहान साढे ५ बजे गण्डकी मेडिकल कलेजमा उपचारका क्रममा मृत्यु भएको हो ।
उनलाई गत वैशाख २० गते कोरोना पुष्टि भएको थियो । ४२ वर्षीय पौडेलमा कोभिडबाहेक अरु समस्या नरहेको अस्पतालले जनाएको छ ।
पोखरा–३३ भरतपोखरी निवासी पौडेल २०६५ सालदेखि गण्डकी टेलिभिजनमा कार्यरत रहेका थिए ।