रातोपोस्ट संवाददाता
झापा , ४ जेठ । झापाको धुलावारीमा गएराती जंगली हात्तीको आक्रमणबाट एक जनाको मृत्यु भएको छ ।
मेचीनगर नगरपालिका – ९ तल्लो मागुरमाडी स्थायी घर भएका ४५ वर्षीय श्याम राईको हात्तीको आक्रमणबाट मृत्यु भएको इलाका प्रहरी कार्यालय धुलावारीका इन्सपेक्टर बिकास राईले जानकारी दिए ।
गएराति १२:३० बजे गाउँमा आएको जंगली हात्ती खेदाउने क्रममा राईलाई हात्तीले आक्रमण गरी घाइते बनाएको थियो । घाइते राईलाई उपचारका लागि मेची अस्पताल भद्रपुर लगिएको र उपचारकै क्रममा आज बिहान २ः३० बजे चिकित्सकले राईलाई मृत घोषणा गरेको प्रहरीले जानकारी दिएको छ ।