News Portal

  • मेचीनगर कराते संघको अध्यक्षमा लम्साल चयन

    रातोपोस्ट संवाददाता
    ३१३ पटक

    झापा, ३० असार । झापाकाे मेचीनगरस्थित धुलाबारीमा मेचीनगर सितोरियो कराते संघको भेला सम्पन्न भएकाे छ । मेचीनगर सितोरियो कराते संघको धुलाबारीमा सम्पन्न भेलाले करातेका बरिष्ठ प्रशिक्षक अर्जुन लम्सालको अध्यक्षतामा ११ सदस्यीय मेचीनगर सितोरियो कराते संघ गठन भएको हो । भेलाले समितिको उपाध्यक्षमा मन बहादुर धिमाल, सचिवमा बिनोद श्रेष्ठ, सहसचिवमा मुक्तिनाथ काफ्ले र कोषाध्यक्षमा सम्झना सारु मगर चयन भएकाे झापाका सितोरियो कराते संघका अध्यक्ष मिलनराज प्रसाईले बताए ।

    समितिको  सदस्यहरुमा शम्भु ठाकुर, अभिशेक दवाडी, सन्तोस राई, सुनिल मेचे र राजेन्द्र कार्की चयन भएका छन भने एक जना कार्यसमिति सदस्य काकरभिट्टा क्षेत्रबाट थप गरिने जानकारी दिएकाे छ । नगरसमितिका पदाधिकारी तथा सदस्यहरुलाई नगरको भुगोललाई प्रतिनिधित्व हुने गरी चयन गरिएको बताइएको छ । मेचीनगर खेलकुद समितिका सदस्य तथा वडा नं. १० खेलकुद समितिका संयोजक इन्द्र आङदम्बेको बिषेश उपस्थितिमा आज सम्पन्न भेलाले कालु मेचेको संयोजकत्वमा ६ सदस्यीय नगरस्तरिय सल्लाहाकार समिति समेत चयन गरेको छ । समितिको सदस्यहरुमा मिलनराज प्रसाई, कृष्ण बस्नेत, राजु महर्जन, बद्री बिष्ट र बिष्णु श्रेष्ठ रहेका छन ।

    नगरस्तरिय कराते संघले मेचीनगर भित्र कराते खेलको प्रबद्र्धन गर्दै खेलसंग सम्बन्धीत खेलाडी, प्रशिक्षकलगायतहरुको संरक्षण र क्षमता बिकासमा काम गर्ने समितिका अध्यक्ष लम्सालले बताए ।

    प्रतिकृया दिनुहोस्