News Portal

  • झापा गाउँपालिकाकाे अध्यक्षमा साह र उपाध्यक्षमा थपलिया निर्वाचित

    रातोपोस्ट संवाददाता
    ८८ पटक

    झापा, ५ जेठ । नेपाली काँग्रेसले झापा गाउँपालिकामा आफ्नो वर्चस्व कायम राखेको छ । जिल्लाका अन्य पालिकाहरूमा गठबन्धन गरी चुनावी मैदानमा उत्रिएका काँग्रेसले झापा गाउँपालिकामा आफ्नै उम्मेदवार उठाएका थिए । काँग्रेसले गाउँपालिकाको अध्यक्ष र उपाध्यक्षसहित पाँच वडा अध्यक्ष जितेको छ ।
    गाउँपालिकाको अध्यक्षमा काँग्रेसका जयनारायण साह पुनः निर्वाचित भएका छन् । उनले निकटतम प्रतिस्पर्धी नेकपा ९एमाले०का गौरीशङ्कर राजवंशीलाई २ हजार ६३३ मतान्तरले पराजित गरेका हुन् । साहले ६ हजार ९९८ मत ल्याउँदा राजवंशीले ४ हजार ३६५ मत ल्याएका छन् । त्यस्तै अध्यक्ष पदका उम्मेदवार नेकपा (माओवादी केन्द्र)का रुद्र बजगाईँले ३ हजार ७५५, राप्रपाका चन्द्रबहादुर कार्कीले ३०२, जसपाका मोहित लाल कामतीले ६२, जनमत पार्टीका लोथ्रो हेमरमले ५८, स्वतन्त्र लक्ष्मीप्रसाद गणेशले ४८ र मंगोल नेसनल अर्गनाइजेसनका दुर्गादेवी तामाङले १८ मत ल्याएका छन् ।
    त्यस्तै गाउँपालिका उपाध्यक्षमा काँग्रेसकी अन्जु देवी थपलिया निर्वाचित भएकी छिन् । उनले एमालेकी देवीमाया अधिकारीलाई एक हजार ४९७ मतान्तरले पराजित गरेकी छिन् । थपलियाले ५ हजार ८६८ मत ल्याउँदा अधिकारीले ४ हजार ३७१ मत ल्याएकी छिन् । २०७४ सालको स्थानीय तह निर्वाचनमा उपाध्यक्ष काँग्रेसले गुमाएका थिए । उपाध्यक्ष एमालेले जितेको थियो ।

    यता उपाध्यक्ष पदमा माओवादीका उम्मेदवार मुन्नावती गणेशले २ हजार ८०४, राप्रपाकी तारामाया राईले ७५४, नेकपा (एकीकृत समाजवादी) का ईश्वरप्रसाद दाहालले ७१ मत ल्याएका छन् । त्यसैगरी काँग्रेसले वडा नम्बर १, २, ४, ६ र ७ मा वडा अध्यक्ष जितेको छ । वडा १ मा राजकुमार यादव, २ मा हिमाल कुमार चम्लागाई, ४ मा महमद ताहिर, ६ मा नविनकिशोर थापा र ७ मा शखीचन्द्र ठाकुर वडा अध्यक्षमा निर्वाचित भएका छन् । वडा ३ मा भूइँकटहर चुनाव चिन्ह पाएका स्वतन्त्र उम्मेदवार सुभाषलाल गणेश र ५ मा भूइँकटहरकै स्वतन्त्र कृष्णप्रसाद राजवंशी वडा अध्यक्षमा निर्वाचित भएका छन् ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)