News Portal

  • काँकडभिट्टामा बसको ठक्करबाट एक पैदल यात्रीको मृत्यु

    रातोपोस्ट संवाददाता
    १०३ पटक

    झापा, २६ साउन । झापाकाे काँकडभिट्टामा बसको ठक्करबाट एक पैदल यात्रीको मृत्यु भएको छ। मृत्यु हुनेमा मेचीनगर नगरपालिका- ६ निवासी ४० वर्षीय चेतनाथ फुयाँल रहेको प्रहरी कार्यालय झापाका डीएसपी वसन्त पाठकले जानकारी दिए।

    पूर्व-पश्चिम राजमार्गअन्तर्गत मेचीनगर- ६ स्थित ट्राफिक पोस्ट नजिक पूर्वबाट पश्चिमतर्फ पार्किङको लागि लाँदै गरेको बागमती प्र-०३-००१ ख १६०२ नम्बरको बसले बाटो क्रस गर्दै गरेको पैदल यात्री फुयाँललाई बिहीबार बिहान ९ बजेर ४५ मिनेटमा ठक्कर दिएको थियो।

    बसको ठक्करबाट घाइते फुयाँललाई उपचारका लागि बीएण्डसी अस्पताल बिर्तामोड लगिएको र उनको उपचार क्रममा दिउँसो २ बजे मृत्यु भएको डीएसपी पाठकले बताए।

    यता बस र बसको चालक गौरीगन्ज गाउँपालिका- ४ निवासी २४ वर्षीय प्रकाश कार्कीलाई इलाका प्रहरी कार्यालय काँकडभिट्टाले नियन्त्रणमा लिएको छ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)