News Portal

  • झापामा तीन पत्रकार सम्मानित

    रातोपोस्ट संवाददाता
    ७२ पटक

    झापा, २७ साउन । झापाली दिवंगत अग्रज पत्रकार डिकमान विरहीको स्मृतिमा स्थापित पत्रकारिता पुरस्कारबाट तीन पत्रकार सम्मानित भएका छन् । नेपाल आदिबासी जनजाति पत्रकार महासंघ (फोनिज) झापाले आज एक समारोहबीच उक्त पुरस्कार प्रदान गरेको हो ।

    पुरस्कृत हुनेहरुमा भीमा शिवाकोटी (डिकमान विरही पत्रकारिता पुरस्कार), विष्णुकुल श्रेष्ठ (उदीयमान पत्रकारिता पुरस्कार) र गंगामाया बेघा (उदीयमान पत्रकारिता पुरस्कार) रहेका छन् ।

    नगद पुरस्कार स्वरुप शिवाकोटीलाई २५ हजार रुपैयाँ र अरु दुई पत्रकारलाई पाँच हजार रुपैयाँ प्रदान गरिएको छ ।

    मेचीनगर–१३ चारआली निवासी डिकमान सुनुवार रासस, पूर्वाञ्चल, शनिवार, विवेचना, झुल्केघाम लगायतका पत्रपत्रिकामा कार्यरत थिए। उनको असामयिक निधनपछि फोनिज झापाले पुरस्कार स्थापना गरेको हो ।

    पुरस्कृत शिवाकोटी कञ्चनजंघा एफएममा कार्यरत छन् भने श्रेष्ठ एपी वान टेलिभिजनमा कार्यरत छन् । फोनिज झापाकी अध्यक्ष भूमिका सुब्बाको अध्यक्षतामा भएको सम्मान कार्यक्रमको प्रमुख अतिथि फोनिजका संघीय उपाध्यक्ष कमन देवान रहेका थिए । सो अवसरमा पत्रकारहरु दिपीन राई, इन्दु पूर्वेली, रेजिना रोदन, मनकुमार गदाल, गणेशमान मुखिया, रमेश समदर्शी लगायतले मन्तब्य ब्यक्त गरेका थिए ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)