News Portal

  • क्वाटरफाइनल नपुग्दै विश्पकपबाट बाहिरिए एसियाली टोलीहरु

    रातोपोस्ट संवाददाता
    ८१ पटक

    काठमाडौं, २० मंसिर । फिफा विश्वकप अन्तर्गत राउण्ड अफ १६ का खेलहरु चलिरहँदा सहभागी सबै एसियाली टोलीहरु बाहिरिएका छन्। गएराति सम्पन्न खेलमा जापान र दक्षिण कोरियाले पराजय ब्यहोरेसँगै सबै एसियाली टोली बाहिरिएका हुन्।

    प्रतियोगिताको अन्तिम १६ मा तीन एसियाली राष्ट्रले स्थान बनाउन सफल भएका थिए। जसमा दक्षिण कोरिया ब्राजिलसँग ४-१ गोलअन्तरले पराजित हुँदै बाहिरिँदा जापानले क्रोएसियासँग पेनाल्टी सुटआउटमा हार ब्यहोरेको थियो। त्यस्तै एसियाको प्रतिनिधत्व गर्दै खेल्ने अस्ट्रेलियाले अन्तिम १६ कै खेलमा अर्जेन्टिनासँग २-१ गोलको हार ब्यहोरेको थियो।

    फिफा विश्वकपमा ६ एसियाली टोलीको सहभागिता थियो। जसमा समूह चरण पार गर्न नसकेता पनि साउदी अरब र इरानले कडा चुनौती प्रस्तुत गर्दै कम्तीमा एउटा जित निकालेका थिए। आयोजक कतार भने समूहका सबै खेलमा पराजय ब्यहोर्दै बाहिरिएको थियो।

    विश्वकपमा कमजोर नतिजा निकाल्दै आएको एसिया महादेशको सबै भन्दा उच्च प्रदर्शन २००२ को हो। त्यसबेला आयोजक दक्षिण कोरिया सेमिफाइनलसम्म पुग्न सफल भएको थियो। अब सन् २०२६ को विश्वकपमा एसियाली मुलुकले ८ वटा कोटा पाउने छन्। यसमा ९ को पनि सम्भावना रहन्छ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)