बिराटनगर, १० चैत । नेपाल शिक्षक संघकाे काेशी प्रदेश अध्यक्षमा तेजप्रसाद चाैलागाई निर्वाचित भएका छन् ।
बिराटनगरमा आज सम्पन्न निर्वाचनमा झापा मेचीनगर-९ स्थित धुलाबारी माविका सहायक प्रधानाध्यापक चाैलागाईले १ सय ९२ मत ल्याई निर्वाचित भएका हुन । अध्यक्षका अर्का उम्मेद्वार धनकुटाका गंगाराम ढुंगानाले १ सय ५६ मत प्राप्त गरेका थिए ।
त्यस्तै, महासचिवमा मात्रिका प्रसाद न्याैपानेले १ सय ७३ ल्याई विजयी बने भने उनका प्रतिस्पर्धी बद्री कार्कीले १ सय ५९ मत प्राप्त गरे । बरिष्ठ उपाध्यक्षमा सुरेशकुमार चाैधरी विजयी बने । चाैधरीले १ सय ७५ मत ल्याएर विजयी हुँदा उनका प्रतिस्पर्धी हेमराज खतिवडाले १ सय ६६ मत ल्याए ।
त्यस्तै, महिला उपाध्यक्षमा राजकुमारी भण्डारी (बिमला) ले १ सय ८८ मत ल्याएर विजयी बनिन् उनका प्रतिस्पर्धी रेखा पराजुलीले १ सय ६६ मत ल्याई पराजय भइन् ।
४ सय ३८ मतदाता रहेकाे संघकाे निर्वाचनमा ३ सय ४८ मत खसेकाे निर्वाचन समितिले जनाएकाे छ ।