रातोपोस्ट संवाददाता
झापा, २६ फागुन । चारआली जेसिजले अग्नीपिडीत एक परिवारलाई सहयोग गरेको छ ।
जेसिजले मेचीनगर नगरपालिका वडा नं.१२ धाइजनका आगलागी पिडीत कालीदास राजवंशीको परिवारलाई खाद्यान्न सहयोग गरेको हो ।
चारआली जेसिजका अध्यक्ष विरबहादुर बेघा (विरु) को अध्यक्षतामा भएको सहयोग कार्यक्रमको प्रमुख अतिथि मेचीनगर नगरपालिका वडा नं.१२ का वडाध्यक्ष नरेन्द्र धिमाल रहेका थिए ।
उक्त अवसरमा चारआली जेसिज वर्ष २०१६ का अध्यक्ष तिर्थ घिमिरे, वर्ष २०१७ का अध्यक्ष धनबहादुर तामाङ, वर्ष २०१९ का अध्यक्ष उत्तमप्रसाद पकुवाल, वर्ष २०२० का अध्यक्ष दिपेन्द्र निरौला, बोर्डका पदाधिकारी तथा सदस्यहरुको उपस्थिति रहेको थियो ।
कानुनी सल्लाहकार संगित शिवाकोटी आस्था वाचन गरेका थिए भने कार्यक्रम संयोजक नेत्रप्रसाद मिश्रले मन्तव्यबाट स्वागत गरेको कार्यक्रमको सञ्चालन महासचिव सुजुप सुवेदीले गरेका थिए ।