झापा, १६ वैशाख । मेचीनगर नगरपालिका वडा नं.८ का नेपाल कम्युनिष्ट पार्टी (एमाले)का उम्मेदवारहरुले घरदैलो अभियान सुरु गरेका छन् ।

आगामी वैशाख ३० गते हुन् गईरहेको स्थानीय तह निर्वाचनको लागि एमालेका वडा नं.८ का वडाध्यक्षका उम्मेदवार डिकेन्दकुमार धिमाल, वडा सदस्यका उम्मेदवारहरु कुन्दन निरौला, विष्णु भटटराई, महिला वडा सदस्यका उम्मेदवार मनकुमारी गिरी र दलित महिला सदस्यका उम्मेदवार कविता खनाल सार्कीले चुनावी अभियान आजबाट प्रारम्भ गरेका हुन् ।

उनीहरुको चुनावी अभियानको पहिलो दिन नयाँबस्ती टोलबाट सुरु भएर मेचे टोल हुँदै सुनाखरी टोलमा पुगेर समापन भएको युवा संघ वडा नं.८ का अध्यक्ष तेजन राजवंशीले जानकारी दिए ।

चुनावी अभियानका क्रममा एमालेका उम्मेदवारहरुले वडावासीहरुलाई सूर्य चिह्रनमा अत्याधिक मत दिएर विजयी गराउन आग्रह गरेका थिए ।