रातोपोस्ट संवाददाता
झापा, ९ जेठ । झापाकाे मेचीनगर नगरपालिकाको वडा नं. ६ को वडा अध्यक्षमा नेपाली काँग्रेसका ललित बहादुर तामाङ जिल्लामै सबै भन्दा फराकिलो मतान्तरले विजयी भएका छन् ।
वडा अध्यक्षमा तामाङले एमालेका वडा अध्यक्षका उम्मेद्वार बालकृष्ण थापालाई १ हजार ७ सय ४५ मतान्तरले पराजित गरेका थिए । ७ हजार ७ सय ४० मत खसेको वडा नं. ६ को अध्यक्षमा तामाङले ३ हजार ९ सय ६९ मत प्राप्त गरे भने थापाले २ हजार २ सय २४ मत प्राप्त गरेका थिए ।
२०७४ को स्थानीय निर्वाचनमा एमालेका तत्कालिन नगर अध्यक्ष राजु पाेखरेललाई २ मतान्तरले पराजित गर्दै वडा अध्यक्षमा चयन भएका तामाङले अहिले लोकप्रिय युवा थापालाई फराकिलो मतान्तरले पराजित गर्दै पुन वडा अध्यक्षमा निर्वाचित भएका हुन ।