झापा, २१ मंसिर । झापाको कन्काई नगरपालिका-८ मा आज ट्रकमा मोटरसाइकल ठोकिँदा चालकको मृत्यु भएको छ। पश्चिमबाट पुर्वतर्फ जाँदै गरेको ना ३ ख २९०४ नम्बरको ट्रकमा विपरीत दिशाबाट आउँदै गरेको प्रदेश १–०१–०१३ प ४०५२ नम्बरको मोटरसाइकल आज बिहान सवा ६ बजे ठोकिएको थियो।

मृत्यु हुनेमा झापाकै विर्तामोड नगरपालिका-१ का २२ वर्षीय ओम प्रकाश राउत रहेका छन्। विर्तामोडस्थित बी एण्ड सी अस्पतालमा उपचारका क्रममा ७ बजे उनको मृत्यु भएको हो।

दुवै सवारी साधनसहित चालकलाई इलाका प्रहरी कार्यालय घैलाडुब्बाले नियन्त्रणमा लिएको छ।