रातोपोस्ट संवाददाता
झापा, ३ माघ । झापाकाे मेचीनगर नगरपालिकामा नयाँ प्रमुख प्रशासकीय अधिकृत आउने भएका छन् । मेचीनगरमा पाँचथरको फिदिम नगरपालिकाका प्रमुख प्रशासकीय अधिकृतको रुपमा रहेका गणेश दाहाल आउन लागेका हुन् ।
मेचीनगर नगरपालिका नगरकार्यपालिकाकाे पुस १८ गतेकाे बैठकले प्रमुख प्रशासकीय अधिकृत राजकपुर चम्लागाई सङ्घीय मामिला तथा सामान्य प्रशासन मन्त्रालय फिर्ता पठाउने निर्णय गरेको थियो । त्यसलाई सदर गर्दै मन्त्रालयले चम्लगाईको मेचीनगरबाट सरुवा गरेको छ । गत असोज १ गतेदेखि मेचीनगर आएका चम्लागाईको प्रदेश १ को मुख्यमन्त्रीको कार्यालयमा सरुवा भएका छन् ।